أشار رئيس” التيار الوطني الحر” النائب جبران باسيل،الى أن “في جو الحصار والعقوبات، الكثيرون خافوا على مصالحهم وابتعدوا عنا وأنا أفهم، واعتدنا، لكن من بقي سيكمل الطريق، وهم عزيزون لأنهم مقتنعون والأهم أنهم غير خائفين، “الحربايات” بـ 17 تشرين ابعدوا الناس عن الحقيقة والأوادم، وقرّبوا الزعران والفاسدين”.
وخلال العشاء التمويلي السنوي ل” لتيار الوطني الحر” في ذكرى 14 آذار، اعتبر أن “التيار هو 14 آذار الحقيقي، وهم شوهوا الحقيقة وزرعوا الإتهامات الكاذبة، ومسنودون من الخارج، وفرضوا علينا عقوبات، وتحديناهم ولم يبرزوا أدلة لأنها اتهامات باطلة وغدا تسقط الكذبة وتظهر الحقيقة، وبياضنا هو ضميرنا وآدميتنا، ثقوا فينا لأنننا شفافون، كما مواقفنا السياسية”.
وأضاف: “التياريون قلقون ويسألون كيف سنخوض الإنتخابات ونحن محاصرون، وأقول لا تخافوا سنفك الحصار، وهذا العشاء بالنسبة لي أهم من الملايين التي تملكها الدول”.
وتابع: “سنخوض المرحلة المقبلة بـ 0 دولار دعاية، وشبابنا يلاقون طرقا حضارية ليقولوا سنبقى هنا كما قالوا عون راجع، وفعلها أقوى بكثير على قلوب الصادقين، والحرية غالية ولا يعرفها الا من يعيشها لأن قرارنا الحر لا ثمن له”.
ولفت باسيل الى أننا في “14 آذار 2019، حدد التيار لنفسه 3 أهداف، وهي عودة النازحين ومكافحة الفساد وبناء الإقتصاد، وبعد 7 اشهر فجر تحالف المتآمرين بالخارج وبالداخل قنبلة 17 تشرين لمنع التيار الوطني الحر ورئيس الجمهورية من تحقيق هذه الأهداف، واصاباتنا صحيح كانت كبيرة ولكن صمودنا اكبر؛ والمواجهة مستمرة اليوم بالانتخابات، هم متأمّلين و”مروبصين يخلصوا منا””.
وأكد باسيل: “كل واحد عم يدفع لكم مصاري لتنتخبوه معناه عم يشتري لكم صوتكم وعم يبيعه للمؤامرة، وعم يستثمر فيكم ليرجع يطلّع مصرياته. ما حدا من هول السياسيين الشرّا بيدفع مصاري بلاش، بدّن يردّوهم. تذكّروا انو يلّي عم يدفع لكم مال لتنتخبوا معه هو نفسه يلّي فقّركم وخلاّكم تحتاجوه… انتقموا منه”. وأضاف: “كل واحد عم يدفع البنزين غالي، لازم يتذكّر مين قدّم قوانين بتوفّر بالطاقة وبالمحروقات بالمجلس النيابي ومين وقّفها. كل واحد عم ينحرم من سحب مصرياته من البنك لازم يتذكّر مين دافع وبعده عم يدافع عن سياسة حاكم لبنان المركزي ومين بعده لليوم رافض قانون الكابيتال كونترول”.
وختم قائلا: “ما تضيّعوا الحقيقة، كونوا مع التيار، كونوا مع الحق، كونوا مع ذاتكم. نحنا كنّا ورح نبقى معكم. نحنا من هون … كنّا ورح نبقى هون”.
رابط الخبر
ادارة الموقع لا تتبنى وجهة نظر الكاتب او الخبر المنشور بل يقع على عاتق الناشر الاصلي
الموقع :otv.com.lb
