يوم كان صعب كتير.. بلش ب ساعة ٣ صبح لل ١٢ ابني كل ربع ساعة استفراغ..ل درجة حتى نص ابرة premperan ما عملت معو شي
نزلنا مستشفى و بدون مبالغة لحقت فضل ملاحقة.. خسران كتير electrolytes ب جسمو..و مي منشف و الالتهابات ٢١ الف
بدون مبالغة انا و قاعدة ناطرة نتيجة pcr اجا اكتر من ٧ اطفال.. كلن تسمم و نفس العوارض
تركت ابني منيح.. متشتش.. ما قادر يتحرك جوعان و رحت دور ع محل اعمل rapid test كرمال يسمحولي اقعد معو ب نفس الغرفة
ما في شوي و بيدقولي من مستشفى.. ابني صارت حرارتو ٤٢.٧ مع دقات قلب سريعة
عشت كل الاحاسيس البشعة من خوف ل قلق ل توتر ل موت ل بكا.. كان ممكن الف حادث لاوصل ع مستشفى و جرب افهم شو في كان منيح من نص ساعة
دغري تحولنا ع دخول و رحنا ع مستشفى و فتنا.. اول ما فتت بتقلي الممرضة تسمم ؟
انا هون مش عارفة شو قول.. معقول اخد برد.. معقول شي … يا عمي كلها منقوشة جبنة.. كانت حتخليني اخسر ابني ب سببها
لاتفاجأ انو كل القسم و طوابق كبار و صغار وين ما كان متسممين
الله لا يسامح كل مسؤول و بياع عم يعملوا فينا هيك.. ان شاء الله بتعيشوا القهر الي عم نعيشوا ع ولادنا
هلاء انا ناطرة اعرف التسمم شو عمل فيه.. هل لقط بكتيريا و رح نقعد ١٠ ايام مستشفى متل كتار غيري هون صرلن ١٠ ايام.. او بيكون فيروس و بقعد ٥ ايام
عم اكتب لقلكن ما عاد تشتروا شي ل ولادكن من برا ولا شي
